〈好遊〉香港觀星熱點 西貢大坳門

【A&M Diary】香港萬家燈火，喺市區睇到月亮已經非常興奮，但你有又無諗過其實香港都有唔少地方可以睇到星海呢？今日M佬就帶我嚟到大坳門觀星，抬頭望就見到好多星星，真係好浪漫呀！

***M佬話今日係一個無做好準備嘅日子，嚟到大坳門先發現部相機無電，腳架仲斷埋***

提提你1. 大家記住保持環境清潔，自己垃圾自己帶走，絕對唔可以破壞大自然環境2. 大坳門郊野公園內並無任何街燈，記住自備電筒3. 郊野公園內設有小食亭及洗手間，可以稍作補給。但入夜後小食亭將會關門休息

前往方法1. 自駕遊：郊野公園外設有大約20個免費泊車2. 乘坐九巴91號、小巴16、103或103M，於大坳門路迴旋處落車，步行至大坳門約23分鐘

大坳門位於西貢嘅清水灣半島南部，朝早有唔少人鍾意嚟到呢度燒嘢食或放風箏（詳情：當風箏遇上風 清水灣大坳門）。至於入黑之後，呢度就成為一個觀星熱點，出發前可以留意天文台網站，了解天氣狀況。如果雲太厚或月圓之夜，都會影響觀賞星海架！

閱讀全文

瀏覽 A&M Diary網頁